L-Awditur tas-Sistemi huwa persuna impjegata fuq bażi kummerċjali mill-Applikant biex tirrevedi u/jew tivverifika Arranġamenti ta’ Teknoloġija Innovattiva u kuntratti intelliġenti, jew partijiet minnhom. Awditur tas-Sistemi mhux bilfors ikun accountant jew awditur b’ċertifikat ta’ prattika taħt l-Att dwar il-Professjoni tal-Accountancy.
L-Awditur tas-Sistemi se jkun responsabbli għad-dokument finali tal-Awditjar tas-Sistemi (ippreparat flimkien ma’ Esperti Tekniċi nominati) u li jwettaq assenjazzjoni bbażata fuq il-kwalità li tiffoka fuq l-etika professjonali. L-Awdituri tas-Sistemi u l-Esperti Tekniċi nominati tagħhom se jkollhom juru l-kompetenzi ewlenin tagħhom u l-esperjenza xierqa lill-MDIA.
Dan ir-reġistru għandu jinżamm aġġornat biex juri min hu attwalment irreġistrat bħala awditur tas-sistemi.
